Link açıqlığı

Soñki künleri Qırım paytahtınıñ tükân ve ticaret merkezlerine müşteriler toqtamay keleler.

Hatırlatamız, Rusiye prezidenti Vladimir Putinniñ emirine binaen, iyün 1-den başlap işğal etilgen Qırımda ukrain para birlemi – grivna – qullanılmaycaq. Bundan sebep kassalar ögünde grivnadan qutulacaq olğan adamlar nevbetler tize. Bunıñ kibi nevbetlerden birini Fozzy Aqmescit ticaret merkezinde körmek mümkün, dep haber ete Qırım.Aqiqat mühbiri.

Şaatlarnıñ aytqanına köre, adamlar aman-aman er şeyni satın alalar.

«Bizlerge avans grivnanen berildi. Bizler şahsiy müessisede çalışamız, işdeşlerimiznen toplaşıp, paralarnı masraf etmege kettik, çünki yarın (iyün 1 – muarrir) bu grivnanı bir kimse qabul etmeycek», – dep şikâyet ete Aqmescit sakini Mariya Storojilova.

Qayd etmeli ki, kassalar ögünde tizilgen nevbetler yalıñız çoq müşteri olğanınen bağlı degil, kassa hadimleri qaytımnı Rusiye rublesinen bermeli, lâkin bunı yapmaq içün kapikler yoq.

Müşterilerden biri dey ki, qaytım berilmesine 15 daqqa sarf etile.
XS
SM
MD
LG