Bağçasaray rayonınıñ Alma Tamaq (Pesçanoye) qasabasında yerleşken «Mandarin» bala lageri Çeçnâ Cumhuriyetinden 600 balanı qabul etti.
Lager müdiri Margarita Polititskayanıñ aytqanına köre, balalar mayıs 31-de gece saat üçte büyüklernen beraber keldiler. Olar bu lagerde 21 kün devamında bulunıp, bir sıra sağlamlaştıruv protseduralardan keçecekler ve yahşı keyf sürecekler, dep bildire tanılmağan cumhuriyet akimiyetine yaqın olğan «Krıminform» neşiri.
«Bizde lager territoriyasında eki biñ çam öse, mında deñiz avası ve küneştir. Balalar akvaaerobikağa qatnaycaqlar, er kün çapuv ve deñizde yuvunuv olacaq. Bunıñ episi balalarnıñ sağlığına müsbet tesir etecek», – dep bildirdi Polititskaya. Onıñ aytqanına köre, al-azırda «Qırım boyunca ekskursion programma da muzakere etile».
O, şunı da qayd etti ki, «Mandarin» lageri Rusiye Federatsiyasınıñ episi regionlarından balalarnı qabul etmege azır.
Umumen bu yazda Qırımda 8 biñ çeçen balasını qabul etmege planlaştıralar.
