AQŞ prezidenti Barack Obama Poloniyanı ziyaret etip, çarşenbe künü Ukrainanıñ yañı saylanğan prezidenti Petro Poroşenko ile körüşecek. Bunı AQŞ prezidentiniñ milliy havfsızlıq yardımcısınıñ muavini Ben Rhodes telefon vastasınen keçirilgen matbuat konferentsiyasında bildirdi. O, Amerika lideriniñ Avropa – Poloniya, Belgiya ve Frenkistan ziyaretine bağışlanıldı.
Ben Rhodes dedi ki, körüşüv «müim bir vaqıtta» keçirile, saylanğan prezident Poroşenkoğa Washingtonnıñ Ukraina halqına qol tutqanını tasdıqlamaq kerek. Amerika kütleviy haber vastaları qayd eteler ki, resmiy şekilde işke başlamağan devlet yolbaşçısınıñ körüşmek AQŞ prezidenti içün adden-tış bir şeydir. Poroşenkonıñ inauguratsiya keçirilmesi iyün 7-ne planlaştırıla.
Salı künü Amerika lideri Varşavağa kelip, Poloniyada 1989 senesi iyün 4-de olıp keçken Şarqiy Avropada sotsialistik sistemanı yoq etken ilk serbest saylavlarnıñ 25 yıllığını qayd etecek. Obama çıqışta bulunacaq ve «Birdemlik» areketi ve kommunizmge qarşılıq veteranlarınen körüşecek. AQŞ prezidenti Rusiyeniñ Ukrainada yapqan areketlerinden sebep Poloniyağa kelip, NATO ittifaqdaşlarına qol tutqan kelgen Amerika Arbiy-Ava quvetleriniñ uçucılarınen körüşüv keçirecek.
Soñra Obama Brüsselge barıp, bundan evel Rusiyedeki Soçi şeerinde ötkerilmesi belgilengen, yedi eñ ilerilegen memleketniñ toplaşuvında iştirak etecek. Rusiyeniñ Qırım işğalinden soñ mezkür körüşüv Rusiyesiz Brüsselge avuştırıldı.
AQŞ prezidenti Frenkistanda Rusiye prezidenti Vladimir Putin bulunacaq ingiltere-amerika ittifaqdaşlar kelmesiniñ 70 yıllığınen bağlı tedbirge qoşulacaq. Rhodes AQŞ prezidentiniñ Putin ile körüşüvi olmaycağını bildirdi. Aynı vaqıtta, o, şunı ayttı ki, liderlerniñ Normandiyada qonuşması ve qol tutuşuvı ola bile, dep haber ete Azatlıq Radiosı.
Ben Rhodes dedi ki, körüşüv «müim bir vaqıtta» keçirile, saylanğan prezident Poroşenkoğa Washingtonnıñ Ukraina halqına qol tutqanını tasdıqlamaq kerek. Amerika kütleviy haber vastaları qayd eteler ki, resmiy şekilde işke başlamağan devlet yolbaşçısınıñ körüşmek AQŞ prezidenti içün adden-tış bir şeydir. Poroşenkonıñ inauguratsiya keçirilmesi iyün 7-ne planlaştırıla.
Salı künü Amerika lideri Varşavağa kelip, Poloniyada 1989 senesi iyün 4-de olıp keçken Şarqiy Avropada sotsialistik sistemanı yoq etken ilk serbest saylavlarnıñ 25 yıllığını qayd etecek. Obama çıqışta bulunacaq ve «Birdemlik» areketi ve kommunizmge qarşılıq veteranlarınen körüşecek. AQŞ prezidenti Rusiyeniñ Ukrainada yapqan areketlerinden sebep Poloniyağa kelip, NATO ittifaqdaşlarına qol tutqan kelgen Amerika Arbiy-Ava quvetleriniñ uçucılarınen körüşüv keçirecek.
Soñra Obama Brüsselge barıp, bundan evel Rusiyedeki Soçi şeerinde ötkerilmesi belgilengen, yedi eñ ilerilegen memleketniñ toplaşuvında iştirak etecek. Rusiyeniñ Qırım işğalinden soñ mezkür körüşüv Rusiyesiz Brüsselge avuştırıldı.
AQŞ prezidenti Frenkistanda Rusiye prezidenti Vladimir Putin bulunacaq ingiltere-amerika ittifaqdaşlar kelmesiniñ 70 yıllığınen bağlı tedbirge qoşulacaq. Rhodes AQŞ prezidentiniñ Putin ile körüşüvi olmaycağını bildirdi. Aynı vaqıtta, o, şunı ayttı ki, liderlerniñ Normandiyada qonuşması ve qol tutuşuvı ola bile, dep haber ete Azatlıq Radiosı.
