Link açıqlığı

Rusiye muhalifet siyasetçisi, RPR-PARNAS firqasınıñ reislerinden biri Boris Nemtsov cuma künü Rusiye Federatsiyasınıñ FSB yolbaşçısı Aleksandr Bortnikovğa kütleviy haber vastalarında mayıs 27-de gece Rusiye tarafından silâlı adamlar gruppasınıñ Rusiye-Ukraina sıñırını keçüvi aqqında peyda olğan malümatnen bağlı cinaiy iş açılması aqqında muracaat yolladı, dep haber ete Azatlıq Radiosı.

Cuma künü «1+1» ukrain telekanalınıñ haberler hızmeti Rusiyeniñ MİD ve FSBge muracaatta bulunıp, Rusiye tarafından Ukrainanıñ Donetsk ve Lugansk vilâyetlerine silâlı adamlar ile avtobuslar kirmesini añlatmağa rica etti.

Malüm ki, mayıs 27-ne keçer gecesi Rusiye tarafından Lugansk vilâyetine silâlı adamlarnen üç maşina kirdi. Silânen tolu daa bir qaç maşina ukrain sıñırcıları tarafından yaqalandı.

Mayıs 30-na keçer gecesi – UNİAN bildirgenine köre – Rusiye tarafından sıñırdan keçecek olğan daa 13 adam ve silânen tolu eki mikroavtobus ukrain sıñırcıları tarafından yaqalandı.
XS
SM
MD
LG