Aqmescitniñ ukrain gimaziyasında soñki çañ bayramı Rusiye gimni ile keçti

Aqmescitte yekâne ukrain gimnaziyasında soñki çañ bayramı ilk sefer Rusiye gimni ile keçti.

Qırım.Aqiqat mühbiri aytqanı kibi, bu sene mında bayram alâmetleri iç te duyulmay, ukrain timsallerniñ ve ürmetli musafirlerniñ olmağanı da hucur kele.

Gimnaziya binasını da ukrain hususitlerinden temizleyler, bayram salonınıñ sanasında ise Rusiye ve Qırım bayraqları qoyuldı. Talebelerniñ ufaq bir qısmı bugün ukrain milliy urbasını kiyip ve ellerine ukrain bayraçıqlarnı almağa cesaretlendi.
​

Ana-baba ve yuqarı sınıflarnıñ talebeleri zalda toplanğanından soñ Rusiye gimni yanğıradı. Zalnıñ büyük qısmı otura berdiler. Tek bazıları Qırım gimni yanğırağan vaqıtta turdı. Soñunda mezunlar ukrain tilinde gimnaziya gimnini icra ettiler.

Talebe ve ana-babalarınıñ çoqusı keyfsiz, olarnıñ dörtte bir qısmı tasilni devam etmek içün Qırımdan qıtaiy Ukrainağa ketmege planlaştıra.

Qırım işğalinden soñ Aqmescitniñ ukrain gimnaziyasınıñ müdirini, ana-babalarnıñ narazılığına baqmadan, vazifesinden vazgeçmege mecbur ettiler.

Kelecek oquv yılından gimnaziyanıñ çoqusı sınıfları rus tilli oqutuvğa keçecek. Bunı ana-babalarnıñ istegi ile añlatalar.