«Pravıy sektor» firqasınıñ Qırımda bir de bir teraktlarnıñ teşkil etilüvine alâqası yoq.
Bu aqta «Pravıy sektor» matbuat-kâtibi Artöm Skoropadskiy bildirdi.
«Biz Ukraina qanunlarından tış çıqqan bir areket yapmağanımıznı endi çoq kere beyan etken edik. FSBniñ bir de bir teraktlar aqqında aytqanı, bizde qayd etilmegen silâ olğanı aqqında – bu Kreml propagandasınıñ daa bir yalanıdır. Kremlge «Pravıy sektornı» ekstremist olaraq körsetmege ğayet elverişli. Biz ise er daim barışıqsever teşkilât edik. Tabiiy ki, Qırımda teraktlar teşkil etmeymiz», - dedi Skoropadskiy BBCnıñ Rusiyedeki hızmetine.
«Pravıy sektornıñ» resmiy temsilcisi FSB tarafından yaqalanğan adamlar olarnıñ fikirdeşleri olamı-yoqmı bilmey. Bu malümat teşkerile.
Mayısnıñ 30-da FSB Qırımda Aqmescit, Yalta ve Aqyarda teraktlar teşkil etken «Praviy sektor» azalarını yaqalanğanlarını ilân etti. Bular rejısör Oleg Sentsov, Aleksandr Kolçenko ve daa eki afta evel Qırımda ğayıp olğan eki cemaat teşebbüsçisidir. Soñra FSB olarnı Moskvağa alıp ketkeni aqqında belli oldı.
Bu aqta «Pravıy sektor» matbuat-kâtibi Artöm Skoropadskiy bildirdi.
«Biz Ukraina qanunlarından tış çıqqan bir areket yapmağanımıznı endi çoq kere beyan etken edik. FSBniñ bir de bir teraktlar aqqında aytqanı, bizde qayd etilmegen silâ olğanı aqqında – bu Kreml propagandasınıñ daa bir yalanıdır. Kremlge «Pravıy sektornı» ekstremist olaraq körsetmege ğayet elverişli. Biz ise er daim barışıqsever teşkilât edik. Tabiiy ki, Qırımda teraktlar teşkil etmeymiz», - dedi Skoropadskiy BBCnıñ Rusiyedeki hızmetine.
«Pravıy sektornıñ» resmiy temsilcisi FSB tarafından yaqalanğan adamlar olarnıñ fikirdeşleri olamı-yoqmı bilmey. Bu malümat teşkerile.
Mayısnıñ 30-da FSB Qırımda Aqmescit, Yalta ve Aqyarda teraktlar teşkil etken «Praviy sektor» azalarını yaqalanğanlarını ilân etti. Bular rejısör Oleg Sentsov, Aleksandr Kolçenko ve daa eki afta evel Qırımda ğayıp olğan eki cemaat teşebbüsçisidir. Soñra FSB olarnı Moskvağa alıp ketkeni aqqında belli oldı.
