Link açıqlığı

«Komsomolskaya pravda» jurnalistıne Ukrainağa kiriş yasaq etildi


Ukraina Havfsızlıq Hızmeti Donbasstaki vaqıyalar aqqında yazğan «Komsomolskaya pravda» mahsus korrespondentı Aleksandr Kotsqa Ukrainağa beş yılğa kirmege yasaq etti.

Bu aqta jurnalist Twitterde yazdı.

«Maña 2019 senesi Mayıs 15-ne qadar Ukrainağa kirmege yasaq etken vesiqanı teslim ettiler. D yasaq kategoriyası. Bu ne olğanını bilmeyim», - dep yazdı Kots.

Ondan soñ jurnalistnı trenge oturtıp Rusiyege ozğarğanlar, vesiqalarnı vagon bekçisine bergenler, dep ayta «Ukrainskaya Pravda».

Aleksandr Kots – rus jurnalistı. 1999 senesinden berli o «Komsomolskaya pravda» gazetasınıñ hadimi ola ve arbiy çatışmalar aqqında yaza. Bazı malümatlarğa köre, o Putin tarafından «Qırımdaki haberlerni doğru şekilde körsetken»leri içün sırlı mükâfat aldı, dep haber ete «Kasparov.ru».

Martnıñ başından Ukraina akimiyeti devletke 20 biñ rusiyelilerni kirgizmedi, olarnıñ arasında bir qaç rus jurnalisti bar.
XS
SM
MD
LG