Link açıqlığı

Milliy Meclis Mayıs 29-da keçken toplaşuvında «Qırımtatarlarnıñ qırımtatarca laf etmek, terbiyelemek ve oqumaq aqqını temin etmek içün tedbirler aqqında» adlı qarar alındı. Bunı QHA bildire.

Vesiqağa köre, regional ve yerli meclisler qırımtatarlar arasında olarnıñ qırımtatarca laf etmek, tasil almaq, terbiyelemek aqları aqqında añlatma işlerini keçirmek kerekler.

Ondan da ğayrı ocalar cemiyeti ve qırımtatar cemaat teşkilâtları balaları mektepte ve mektep yaşından küçük olğan ana-babaları 2014 senesiniñ İyün 10 kününe qadar yerli mektep ve mektepten aldın tasil idarelerine, mektep ve mektepten aldın müessiseleriniñ yolbaşçılarına rus mekteplerinde qırımtatar tilinde oquğan ayrı sınıflarnı açmaq içün ve mektepten aldın olğan müessiselerde qırımtatar tilinde terbiyeci gruppalarnı açmaq içün arizalar yazmasında celp etmesine avale etildi.

Bu arizalarda er şeyden ğayrı mektep teşkil etmek içün qırımtatarlarnıñ sayısı yeterli olğan yerlerde mektep açmaq talap etmeliler.

Ondan da ğayrı arizalarda qırımtatarlarnıñ sayısı 30% ve ondan ziyade teşkil etken mekteplerde qırımtatar-rus (qırımtatar-ukrain) oqutma tillernen mektepleri statusını talap etmek kerek.

QHA bildirgenine köre, Qırımda 15 qırımtatar milliy mektep çalışa.

Qırım Rusiye tarafından işğal etilgen soñ mında ukrain mekteplerge qarşı başqı yapılmağa başladı. Ukrain gimnaziyasında müdirni nefaqağa yollap binada Rusiye bayraqnı tiklediler.
XS
SM
MD
LG