Federal Havfsızlıq Hızmeti «Pravıy sektor»nıñ terroristik-diversion gruppasını yaqaladı.
Bu aqta FSBniñ matbuat hızmeti bildire.
FSBde bildirgenlerine köre, bu terroristler Sentsov O.G., Afanasyev S.G., Çirniya A.V., Kolçenko A.A. Olar evelden Qırımda ğayıp olğanlar, soñra olar terraktnı teşkil etmesinde tömet olğanı içün Federal Havfsızlıq Hızmeti tarafından tutıp alınğanlar ve Moskvağa çıqarılğanlar.
FSBnıñ malümatına köre, bu gruppanıñ maqsadı Aqmescit, Yalta ve Aqyarda teraktlar teşkil etmek ve soñra demiryol köpürlerini, eletroenergiya ağlarını ve bir talay başqa şeer ve devlet obyektlerini yoq etmek istey ediler.
Şunıñ içün FSBnıñ tedqiq idaresi yaqalanğanlarğa qarşı cinai iş açılacaq. Olarnı Ceza kodeksine köre böyle nevbetteki areketlerde qabaatlaylar: 205 maddesiniñ, 2-ci parçası («terroristik akt»), 205.4 maddesiniñ 2-ci parçası («terroristik aktnıñ teşkil etüvi ve iştirak etmesi»), 222 maddeniñ 3-ci parçası («qanunsız silâ qullanması»).
«Yaqalanğanlarnıñ yaşağan yerinde tintüv neticesinde böyle şeyler tapılğan: patlav maddeleri, nariye silâsı, arbiy maddeleri, yaqarlıq ile kanistralar, quruculıq kaskalar (Maydanda qullanılğan kibi soyular) respiratorlar, gazdan saqlanmaq içün betlik, boyanen tolu balonlar (aerozol), milliyetçilik alâmetleri ve deger şeyler», - dep aytıla beynnamede.
Yaqalanğanlarnı şimdi qaravullaylar ve yaqın zamanda olarnı resmiy şekilde añılğan areketlerde qabaatlaycaqlar.
«Yaqalanğanlar «Pravıy sektor» Qırımda terroristik aktlarını teşkil etmesinde iştiragi aqqında iqrar eteler ve Qırım Cumhuriyetini Rusiye Federatsıyası erkânında çıqarılması aqqında qarar almaq içün akimiyetke basqı etecekleri tanıdılar»,- dep aytılar FSBnıün matbuat hızmeti.
Oleg Slentsov Mayısnıñ 10-da onıñ evine rus mahsus hızmetleriniñ temsilcileri tintüv etmek içün kelgen vaqıtta yaqalandı. Aleksandr Kolçenko Mayıs 16-da Aqmescitniñ merkezinde şoqaqta dostlar ile kezgende yaqalandı.
Oleg Sentsov ukrain rejısörı ve Avtomaydan faali. Aleksandr Kolçenko – cemaat faali, antifaşıst areketiniñ faal iştirakçisi. O studentleriniñ ve işçileriniñ aqlarını qorçalamaq içün ve ekologiyanen bağlı bir çoq aksıyalarınıñ teşkil etici ve iştirakçisi.
Ukraina Tış işler nazirligi Rusiyeden Qırımdaki siyasiy mabüslerni azat etmege talap ete edi ve Ğarbiy dünyadan yardımnı soradı.
Rusiyedeki Ukraina elçiligi daa bir kere mabüslernen körüşmek istegini bildirdi.
Bu aqta FSBniñ matbuat hızmeti bildire.
FSBde bildirgenlerine köre, bu terroristler Sentsov O.G., Afanasyev S.G., Çirniya A.V., Kolçenko A.A. Olar evelden Qırımda ğayıp olğanlar, soñra olar terraktnı teşkil etmesinde tömet olğanı içün Federal Havfsızlıq Hızmeti tarafından tutıp alınğanlar ve Moskvağa çıqarılğanlar.
FSBnıñ malümatına köre, bu gruppanıñ maqsadı Aqmescit, Yalta ve Aqyarda teraktlar teşkil etmek ve soñra demiryol köpürlerini, eletroenergiya ağlarını ve bir talay başqa şeer ve devlet obyektlerini yoq etmek istey ediler.
Şunıñ içün FSBnıñ tedqiq idaresi yaqalanğanlarğa qarşı cinai iş açılacaq. Olarnı Ceza kodeksine köre böyle nevbetteki areketlerde qabaatlaylar: 205 maddesiniñ, 2-ci parçası («terroristik akt»), 205.4 maddesiniñ 2-ci parçası («terroristik aktnıñ teşkil etüvi ve iştirak etmesi»), 222 maddeniñ 3-ci parçası («qanunsız silâ qullanması»).
«Yaqalanğanlarnıñ yaşağan yerinde tintüv neticesinde böyle şeyler tapılğan: patlav maddeleri, nariye silâsı, arbiy maddeleri, yaqarlıq ile kanistralar, quruculıq kaskalar (Maydanda qullanılğan kibi soyular) respiratorlar, gazdan saqlanmaq içün betlik, boyanen tolu balonlar (aerozol), milliyetçilik alâmetleri ve deger şeyler», - dep aytıla beynnamede.
Yaqalanğanlarnı şimdi qaravullaylar ve yaqın zamanda olarnı resmiy şekilde añılğan areketlerde qabaatlaycaqlar.
«Yaqalanğanlar «Pravıy sektor» Qırımda terroristik aktlarını teşkil etmesinde iştiragi aqqında iqrar eteler ve Qırım Cumhuriyetini Rusiye Federatsıyası erkânında çıqarılması aqqında qarar almaq içün akimiyetke basqı etecekleri tanıdılar»,- dep aytılar FSBnıün matbuat hızmeti.
Oleg Slentsov Mayısnıñ 10-da onıñ evine rus mahsus hızmetleriniñ temsilcileri tintüv etmek içün kelgen vaqıtta yaqalandı. Aleksandr Kolçenko Mayıs 16-da Aqmescitniñ merkezinde şoqaqta dostlar ile kezgende yaqalandı.
Oleg Sentsov ukrain rejısörı ve Avtomaydan faali. Aleksandr Kolçenko – cemaat faali, antifaşıst areketiniñ faal iştirakçisi. O studentleriniñ ve işçileriniñ aqlarını qorçalamaq içün ve ekologiyanen bağlı bir çoq aksıyalarınıñ teşkil etici ve iştirakçisi.
Ukraina Tış işler nazirligi Rusiyeden Qırımdaki siyasiy mabüslerni azat etmege talap ete edi ve Ğarbiy dünyadan yardımnı soradı.
Rusiyedeki Ukraina elçiligi daa bir kere mabüslernen körüşmek istegini bildirdi.
