Link açıqlığı

Bütündünya bankı Ukrainağa 750 million ayırdı


Bütündünya bankı «İnkişaf siyasetine birinci ödünç» leyhası boyunca Ukrainağa 750 million dollar ayırdı.

Bunı maliye Nazirliginiñ matbuat hızmeti bildire.

«Ukraina ve Yañıdan tertip etüv ve inkişaf Halqara bankı arasında ödünç aqqında añlaşma 2014 senesi mayıs 26-da imzalanğan edi», – aytıla beyanatta.

Qayd etilgenine köre, ödünç 16 yılğa celp etile.

«Leyha çerçivesinde elde etilgen sermiyalar buhran al etilmesi ve memlekette maliye-iqtisadiy vaziyetni eyleştirmek içün strategik ve institutsional islâatlar keçirilmesi ve Ukrainanıñ deñişmez ve turğun ilerilemesi içün temel qoyuvına sarf etilecek", – dep bildire matbuat hızmeti.
XS
SM
MD
LG