«Rusiyeli» Qırımda daa bir ava limanını quracaq olalar

Qırımnıñ İslâm-Terek (Kirovskoye) rayonında grajdanlıq ava limanınıñ meydanğa ketirilmesini muzakere eteler.

Bunı İslâm-Terek rayon devlet memuriyetiniñ reisi Oleg Gordeyev bildirdi, dep haber ete Qırım «akimiyetine» yaqın olğan Krıminform saytı.

Gordeyevniñ aytqanına köre, İslâm-Terek rayonı ve Kefe sıñırında baqılmayıp turğan uçuv-qonma yolunda ava limanınıñ qurulması variantlardan biri olaraq baqıla.

Bundan ğayrı, çalışmağan arbiy uçaq alanınıñ qullanılması da muzakere etile.