Link açıqlığı

Ukraina milliy gvardiyasında berilgen malümatqa köre, Mi-8 ukrain vertolötini qaqıp tüşürgen boyevikler taqımını terrorizmge qarşı tedbirler çerçivesinde yoq ettiler, dep haber ete Azatlıq Radiosı.

«ATO quvetleri terroristlerniñ areketlerine cevap olaraq ateş açılğan yerde toplar ve aviatsiyanen qullanıp, cinayetçiler gruppasını yoq ettiler», – aytıla beyanatta.

Milliy gvardiya bildire ki, urulğan vertolötta 12 ukrain arbiy adamı elâk oldı, birisi ağır alda buluna.

Prezident vazifelerini eda etken, Yuqarı Rada reisi Oleksandr Turçinov urulğan vertolötta 14 insan, şu cümleden general-mayor Serğiy Kulçitskiy – Ukraina içki işler Nazirligi İçki ordularınıñ arbiy ve mahsus azırlıq idaresiniñ yolbaşçısı, elâk olğanını bildirgen edi.
XS
SM
MD
LG