Link açıqlığı

Saatnıñ esas haberi

Qırımnıñ yañı tayinlengen «baş nazir muavini» 1,5 mln grivna hırsızlağanı içün mahkeme etilgen edi – Cemilev


Qırım Cumhuriyetiniñ baş nazir vazifesine Lenur İslâmovnıñ yerine tayin etilgen Ruslan Balbek turistik şirketten para hırsızlağanı içün mahkeme etilgen edi.

UNİAN malümat agentliginiñ malümatına köre, bunı qırımtatar halqınıñ lideri, Ukraina halq deputatı Mustafa Cemilev jurnalistlerge aydınlattı.

«İslâmovnı siyasiy celp etüvde qabaatlap, onıñ yerine TEZ-Tour şirketinden 1,5 mln grn hırsızlağan ve bundan sebep mahkeme etilgen Ruslan Balbekni tayin ettiler. Bu şirket ne olğanını ögrenmege istedi, lâkin Qırım prokuraturası bu adam kerek bir insan ve onı azat etmeli, dep bildirdi», – dep ayttı Cemilev.

«Bundan ğayrı, elimizde olğan malümatlarğa köre, daa 2006 senesi (Balbek – UNİAN) Rusiyeniñ FSB hadimleri tarafından qırımtatar halqını bölmek işinen oğraşacaq insan olaraq celp etildi», – dep qoştı Cemilev.

Hatırlatamız, mayıs 28-de öz başına ilân etilgen Qırım Cumhuriyetiniñ parlamenti Qırımtatar Milliy Meclisinen teklif etilgen Lenur İslâmovnı Nazirler Şurasınıñ reis muavini vazifesinden boşattı.

Onıñ yerine Mecliske qarşı olğan Ruslan Balbek tayin etildi.
XS
SM
MD
LG