Link açıqlığı

Ukraina Baş prokuraturası Yuqarı Radada halq deputatı Oleg Tsarövni cinaiy mesülietke çeküvi aqqında muracaatnı qaldırdı, dep haber ete Azatlıq Radiosı.

«Ukraina Baş prokuraturası Ukraina halq deputatı Oleg Tsarövni cinaiy mesülietke çeküv, em de onı yaqalav ve ceza olaraq apske aluvı aqqında razılıq teklifni qayd etti», – dep ayttı bugün parlamentte Ukraina baş prokurorı vazifesini eda etken Oleg Mahnitskiy.

Yuqarı Rada «işaret» rey berüv neticesinde Tsarövni cinaiy mesülietke çekmege ruhset bermedi. Bu qararğa kerek olğan 226 deputattan yalıñız 206 halq deputatı qol tuttı.

Parlament reisi Oleksandr Turçinov bu mesele boyunca kelecek salı künü, iyün 3-te, rey bermege teklif etti.

Regionlar firqasından deputat Tsarövni separatizm çağıruvlarında qabaatlap, oña qarşı bir qaç cinaiy taqiqat açtılar.
XS
SM
MD
LG