Link açıqlığı

İşğal etilgen Qırımda Rusiye ufaq aqçası yetişmey


İşğal etilgen Qırım Rusiye ufaq aqçası ile problemler peyda oldı.

Hususan, Keriçniñ tükânlarında rubleler ile ödevlerni bermege çare bar, qaytımnı ise ruble birleminde bermeyler, dep bildire Qırım.Aqiqat mühbiri.

Ruble birlemindeki ufaq para yerine satıcılar ukrain grivna ve kapikni bere. Faqat alıcılarnıñ çoqusı ukrain paranı almağa istemey, çünki iyün 1-den Qırımda grivna yürmeycek.

Aynı böyle vaziyet «Krımposta» bölüklerinde de yüz bere. Mında bu aftadan başlap tölevlerni yalıñız rubleler ile qabul eteler. Qaytımnı ise suv, çamaşır tozu, kâğıt ile almağa teklif eteler.

Çarşılarda da aynı vaziyet. Satıcılar Rusiye ufaq aqçasını bir-birinden borcqa almağa mecburlar.

Hatırlatamız, Keriç taşıyıcıları maşrutkalarda yol parasınıñ fiyatını kötereler.

Mayıs 28-den yol parası 3 grivna olacaq, yani 50 ve 25 kapikke paalaşacaqtır. Maşnalarda mütenasip ilânlar endi asıldı. Mında ukrain ufaq parası qabul etilmeycegi aqqında da yazıla, dey Qırım.Aqiqat mühbiri.
XS
SM
MD
LG