Link açıqlığı

İyün 6 künü Rusiye Federatsiyasınıñ Federal toplaşuvı Devlet dumasınıñ reisi Sergey Narışkin iş ziyareti ile Qırımğa kelecek, mında o Aqmescit, Bağçasaray, Yaltanı ziyaret etecektir.

Bunı Devlet dumasınıñ cemaat ile alâqa boyunca idaresi bildire.

Ziyaret vaqtında Mirnoye köyünde kapsulanıñ qoyülüvında iştirak etecek. Mında Ulu Vatan cenki zamanında «Krasnıy» sovhozında yerleşken faşist lageriniñ qurbanlarına bağışlanğan kompleksniñ qurulışı planlaştırıla. Bundan da ğayrı, «Sergey Radonejskiy – rus toprağınıñ toplayıcısı» eykeliniñ açılmasında iştirak etecektir.

İdareniñ malümatına köre, Han sarayınıñ ziyareti, Qırımda Livadiya sarayında Rusiye tarihiy toplulığı bölüliginiñ açılması, Birinci cian cenkiniñ başlanmasınıñ 100 yıllığı ile bağlı olğan tedbirlerniñ azırlanuvı boyunca komitetiniñ toplaşuvında iştiragi planlaştırıla.
XS
SM
MD
LG