Link açıqlığı

İslâmovnıñ istifasını Qırım «parlamenti»nde siyasiy taraftan obyektiv olmağanınen añlattılar


Lenur İslâmov Qırım «baş nazir muavini» vazifesinden siyasiy ceetten obyektiv olmağanından sebep boşatıldı.

Böyleliknen Qırım «spiker muavini» Grigoriy İoffe toplaşuvda alınğan qararlarnı izaatladı.

«İşbu qararlarnıñ sebebi – İslâmovnıñ faaliyetine olğan iddialar. Yazıq ki, menimce, İslâmov siyasiy ceetten obyektiv degildir. Şunıñ içün bizge bu vazifede olduqça adaletli insan kerek olğanını tüşündik», – dep bildire İoffeniñ sözlerini Qırım «parlamenti»niñ matbuat hızmeti.

Çarşenbe künü Qırım «parlamenti» Qırım nazirler Şurasınıñ «reis muavini» vazifelerini eda etken Lenur İslâmovnı istifağa yolladı. Onıñ yerine Meclis muhalifi olğan Ruslan Balbekni tayinledi.

Mayıs 27 künü Aksönov İslâmovnıñ esabatı neticesinde onıñ «baş nazir muavini» vazifesindeki taqdiri belgilenecegini aytqan edi.

Lenur İslâmovnı «baş nazir muavini» vazifesine qırımtatar milliy Meclisi yollağan edi.
XS
SM
MD
LG