Link açıqlığı

Meclis reis muavini İslâmovnıñ istifası aqqında: «akimiyet»niñ qırımtatarlar ile bağı yoq


Lenur İslâmovnıñ Qırım «baş nazir muavini» vazifesinden istifası ve bu vaziyefege Ruslan Balbekniñ tayinlenüvi cumhuriyetniñ «akimiyeti»nde qırımtatarlar ile bağ qurmaq istegi yoq olğanını köstere.

Bunı Qırım.Aqiqat mühbirine qırımtatar milliy Meclis reisi muavini Ahtem Çiygoz bildirdi.

«Qırımtatarlar öz toprağında bulunıp, öz merağını qorçalamağa aqqı olğan aqqında bildirüvler aqiqatqa uymağanı añlayışılа», – dedi Çiygoz. – Olarnıñ bu areketleri qırımtatarlar ile qialog olmağanını köstere».

Çarşenbe künü Qırım «parlamenti» Qırım nazirler Şurasınıñ «reis muavini» vazifeini eda etken Lenur İslâmovnı istifağa yolladı. Onıñ yerine Meclis muhalifi olğan Ruslan Balbekni tayinledi.

Mayıs 27 künü Aksönov İslâmovnıñ esabatı neticesinde onıñ «baş nazir muavini» vazifesindeki taqdiribelgilenecegini aytqan edi.

Mayıs 16 künü Ruslan Balbek Soçide Rusiye Federatsiyasınıñ prezidenti Vladimir Putin ile «riayetkâr»qırımtatarlarnıñ eyyeti terkibinde körüşti. Mında qırımtatar halqınıñ adabanlaştırıluvı muzakere etilgen edi.

Lenur İslâmovnı «baş nazir muavini» ve Zaur Smirnovnı Reskomnats başı vazifesine qırımtatar milliy Meclisiyollağan edi.
XS
SM
MD
LG