Link açıqlığı

Saatnıñ esas haberi

Ekspert: İslâmovnıñ «baş nazir muavini» vazifesinden boşatılması – Qırım «akimiyeti»niñ nevbetteki saçmalığıdır


Lenur İslâmovnıñ «baş nazir muavini» vazifesinden boşatılması – qırımtatarlarnıñ Rusiyege nisbeten nasıldır bir müsbet munasebetini yoq etmek içün etilgen saçmalıqtır.

Bunı Facebook saifesinde belli Rusiye jurnalisti, «Moskovskiy komsomolets»niñ baş muarrir muavini Ayder Mujdabayev yazdı.

«Lâyıq, itibarlı ve nufuzlı insanlarnı vazifeden çıqarıp, olarnıñ yerine halq arasında ürmetsiz olğan insanlarnı tayinlemek – saçmalıqtır. Bu akimiyetniñ diskreditatsiyasına ketirmege mümkün», – dedi Mujdabayev.

Çarşenbe künü Qırım «parlamenti» Qırım nazirler Şurasınıñ «reis muavini» vazifelerini eda etken Lenur İslâmovnı istifağa yolladı.Onıñ yerine Meclis muhalifi olğan Ruslan Balbekni tayinledi.

Qırım «baş nazirmuavini» vazifesini eda etken Lenur İslâmovnıñ işten boşatılması ile bağlı sual deputat Lentun Bezaziyev teklifi ile prezidium toplaşuvında keçken afta muzakere etilgen edi.

Faqat «Devlet şurası» toplaşuvında baqılmadı.

Mayıs 27 künü Aksönov İslâmovnıñ esabatı neticesinde onıñ «baş nazir muavini» vazifesindeki taqdiribelgilenecegini aytqan edi.

Mayıs 16 künü Ruslan Balbek Soçide Rusiye Federatsiyasınıñ prezidenti ile «riayetkâr»qırımtatarlarnıñ eyyeti terkibinde körüşti. Mında qırımtatar halqınıñ abadanlaştırıluvı muzakere etilgen edi. Lenur İslâmovnı baş nazir muavini» ve Zaur Smirnovnı Reskomnats başı vazifesine qırımtatar milliy Meclisi yollağan edi.

XS
SM
MD
LG