Link açıqlığı

Sabıq prezident Leonid Kuçma Ukraina Qırımnı qaytarıp olamaycağını tüşüne ve yañı akimiyet içün esas vazife – Ukraina terkibinde Donetsk ve Lugansk vilâyetlerniñ saqlanılmasını temin etilüvi olmalı, dey.

Böyle fikirni Kuçma Çernovitskaya vilâyetinde jurnalistlerge bildirdi, dep haber ete UNİAN.

«Qırımnı coydıq ve onı endi qaytarmağa imkânsız olcağını tüşünem, Rusiye va-bank ketti. Onıñ içün keri yol yoqtır. O Qırımnı iç bir vaqıt qaytarmaz. Şimdi Donbassta cenk kete. Yañı prezidentniñ ögünde turğan esas vazife – Donetsk ve Luganks vilyaetlerni Ukraina terkibinde saqlamaqtır. Territoriyanıñ ğayıp etilüvi – eñ yaramay şey», – dedi sabıq prezident.

Sabıq prezident tüşüne ki, eger de yañı prezident akimiyette bazı bir hadimlerni deñiştirse, onıñ faaliyeti daa da semereli olacaqıtr.
XS
SM
MD
LG