Link açıqlığı

Qırım «parlamenti» Qırım nazirler Şurasınıñ «reis muavini» vazifesini eda etken Lenur İslâmovnı istifağa yolladı. Mütenasip qarar nevbetten tış toplaşuvda alındı.

Qırım.Aqiqat mühbiriniñ sözlerine köre, qarar leyhasını «Devlet şurasınıñ» milletlerara munasebetler ve sürgün etilgen vatandaşlarnıñ meselelri boyunca daimiy komissiya reisi Edip Gafarov teklif etti.

Diger qarar ile parlament boşağan vazifege Ruslan Balbekni tayinledi. Onıñ namzetini Qırımnıñ öz başına tayinlengen baş nazir Sergey Aksönov kösteridi. Toplaşuvda olğan 78 deputattan 76 buña qol tuttı.

Qayd etmek kerek ki, «Pokoleniye «Krım» cemaat teşkilâtınıñ başı olğan Ruslan Balbek er vaqıt qırımtatar milliy Meclisniñ muhalifi olıp, liderlerniñ faaliyetini teñqit ete edi.

Qırım «baş nazir muavini» vazifelerini eda etken Lenur İslâmovnıñ işten boşatılması ile bağlı sual deputat Lentun Bezaziyev teklifi ile prezidium toplaşuvında keçken afta muzakere etilgen edi. Faqat «Devlet şurası» toplaşuvında baqılmadı.

Mayıs 27 künü Aksönov İslâmovnıñ esabatı neticesinde onıñ «baş nazir muavini» vazifesindeki taqdiri belgilenecegini aytqan edi.

Mayıs 16 künü Ruslan Balbek Soçide Rusiye Federatsiyasınıñ prezidenti Vladimir Putin ile «riayetkâr» qırımtatarlarnıñ eyyeti terkibinde körüşti. Mında qırımtatar halqınıñ erleşüvi ve adabanlaştırıluvı muzakere etilgen edi.

Lenur İslâmovnı «baş nazir muavini» ve Zaur Smirnovnı Reskomnats başı vazifesine qırımtatar milliy Meclisi yollağan edi.
XS
SM
MD
LG