Qırımnıñ Saq rayonında «akimiyet» mektep mezunlarına bayram aqşamlarını keçirmege yasaq etti.
Bunı Saq rayon devlet memuriyetiniñ tasil bölüginiñ yolbaşçısı Vladimir Sobolev bildirdi, dep haber ete Krıminform.
Onıñ aytqanına köre, çıqış aqşamlarınıñ «eglence qısmı» yasaq etile.
«Olar toplaşa, sofralar donata ve balalar ana-babalarınen beraber mektepten çıqalar. Qırım Cumzuriyetiniñ tasil, ilim ve gençlik Nazirliginiñ mektübi bar, oña binaen, Sergey Aksönovnıñ kütleviy tedbirler yasağı aqqında qararı olğan edi», – dep añlattı Sobolev.
«Yani, mektepte olsa – laf yoq. Mektepten tış keçirilgen qısımda ana-babalar mesülietli olacaq», – dedi Sobolev.
Qırımnıñ öz başına tayin etilgen «baş naziri» Sergey Aksönov bugün kütleviy tedbirler yasağını tasdıqladı, lâkin bu yasaq şeer ve rayon merkezlerine ait olğanını qayd etti.
Jurnalistler rayondaki ilmiy konferentsiya yasaq etilgenini hatırlattılar. «Bu qarardan ziyade bir şey, men malümat alırım. Böyle bir şey olsa edi, afu sorarmız».
Bunı Saq rayon devlet memuriyetiniñ tasil bölüginiñ yolbaşçısı Vladimir Sobolev bildirdi, dep haber ete Krıminform.
Onıñ aytqanına köre, çıqış aqşamlarınıñ «eglence qısmı» yasaq etile.
«Olar toplaşa, sofralar donata ve balalar ana-babalarınen beraber mektepten çıqalar. Qırım Cumzuriyetiniñ tasil, ilim ve gençlik Nazirliginiñ mektübi bar, oña binaen, Sergey Aksönovnıñ kütleviy tedbirler yasağı aqqında qararı olğan edi», – dep añlattı Sobolev.
«Yani, mektepte olsa – laf yoq. Mektepten tış keçirilgen qısımda ana-babalar mesülietli olacaq», – dedi Sobolev.
Qırımnıñ öz başına tayin etilgen «baş naziri» Sergey Aksönov bugün kütleviy tedbirler yasağını tasdıqladı, lâkin bu yasaq şeer ve rayon merkezlerine ait olğanını qayd etti.
Jurnalistler rayondaki ilmiy konferentsiya yasaq etilgenini hatırlattılar. «Bu qarardan ziyade bir şey, men malümat alırım. Böyle bir şey olsa edi, afu sorarmız».
