Link açıqlığı

Yarema: Donbasstaki terrorizmge qarşı tedbirler boyevikler bütünley yoq etilgenine qadar devam etecek


Ukraina şarqında boyevikler yoq etilmegenine qadar terrorimzge qarşı tedbirler Ukraina şarqında devam etecek, dep ayttı Ukraina ükümetiniñ baş nazir muavini Vitaliy Yarema, haber ete Azatlıq Radiosı.

Tünevin kündüz ukrain ordusınıñ «Donetsk halq cumhuriyetiniñ» tarafdarları zapt etken ava limanını boşatmaq ıntıluvları ukrain ordusı ve separatistler arasında büyük bir çatışma doğurdı. Artilleriya ve aviatsiyanı qullanıp bir qaç saat devam etken uruştan soñ «arbiyler» ava limanından quvuldı ve şeer merkezine alıp ketirildi.

Separatistler arasında elâk olğanlarnıñ sayısı aqqında türlü malümat bar. «Donetsk halq cumhuriyetiniñ» «halq gubernatorı» olaraq adlanğan Pavel Gubarev bildirdi ki, 35 «arbiy adam” elâk oldı: ava limanından çıqarılğan yaralılarnen tolu maşinağa qarşı ateş açtılar. Diger malümatlarğa köre, «arbiylernen» tolu eki «KAMAZnı» yaqtılar.

«Ukrainskaya pravda» separatist bergen malümatlarğa esaslanıp bildire ki, çatışmalarda 150 insandan ziyade öldürildi ve 300 yaralandı. Barışıq eali arasında eñ azından eki elâk olğan adam bar.

Ukraina tış işler naziri Arsen Avakov dedi ki, ukrain arbiyleri arasında ölgenler yoq. Ukraina arbiyleri Donetskteki ava limanını tolusınen közete.

Mariupolde ukrain arbiyleri «Donetsk halq cumhuriyetiniñ» yerli ştabını da yoq ettiler. Beş nefer separatist elâk oldı.

Slavânskta ateş neticesinde bir qaç snarâd mesken evlerge tüşti. Öldürilgenler bar, dep haber ete «İnterfaks-Ukraina».

Salı künü saba Artömovsk şeerinde «Donetsk halq cumhuriyetiniñ» faalleri zapt etilgen icra komitet binasını boşattılar, dep bildire «Artömovsk şeeriniñ saytı».
XS
SM
MD
LG