Link açıqlığı

Rusiye transport nazirligi: Qırım rus toprağı olaraq qabul etilmegence, Qırımğa uçaqlar Ukrainanıñ ava zonasına kirmeyip uçacaqlar


Ukraina Qırımnı rus territoriya olaraq qabul etmegence, Rusiyedeki aviaşirketler Qırımğa Ukrainanıñ ava territoriyasına kirmeyip uçacaqlar.

Bunu Transport naziri Maksim Sokolov bildirdi.

Ondan evel Moskvadan Aqmescitke ava yolu Ukraina ava territoriyasından keçe edi. Şimdi ise uçaqlar Krasnodar vilâyetinden keçeler, şunıñ içün uçma vaqtı sozula.

«Biz bunı Ukraina territoriyanı keçkende ve Ukraina tarafından bügün Rusiye parçası olğan Qırımğa kelgende bir raatsızlıqlar olmasın dep yapamız», — dedi Sokolov.

Bundan evel Ukrainanıñ infrastruktura nazirligi Qırımdaki ava limanları vaziyet havfsız olmağanı içün qapalılar.

Avropa avanı nezaret etken Avrokontrol şirketi aviataşıycılarğa Aqmescit ve Aqyar ava limanlarğa uçamağa ve Qırımnıñ ava zonasından keçmege

Halqara qanunlarğa esaslanıp, Aviakontrol Qırımdaki ava limanları aqqında qararlarnı tek ukrain akimiyetinen kelgen emirlerge köre alacağını bildirdi.
XS
SM
MD
LG