Link açıqlığı

MSK: Prezident saylavlarınıñ ekinci turı olmaycaq


Merkeziy saylav komissiya başı Mıhaylo Оhendovskıy prezident saylavlarınıñ ekinci turınıñ keçirimesi zaruriy olmağanını ayttı, dep haber ete İnterfaks-Ukraina.

«MSK daa bütün beyanatlar kelmese bile, birinciden, reylerniñ sayuv vaqtında qayd etilgen meyilge köre, ekinciden, prezident namzetlerine berilgen reylerniñ sayısına köre ve namzetlerniñ birisi, bes-belli, regionlarnıñ episinde birincilikte olğanına köre, tekrar saylavlarnıñ keçirimesi zarursız olğanını aytmağa mümkün», – dedi Оhendovskıy.

O şunı da qayd etti ki, al-azırda MSK-na Donetsk vilâyetiniñ 3 bölüginden: №47 (Aleksandrovka), №50 (Krasnoarmeysk), №60 (Velikaya Novovselovka) protokollarnıñ işlenilgeni aqqında iç bir bildirüv kelmedi.

Onıñ sözlerine köre, %60 bölüginde neticelerni kompyuter tertibatına kirsetmek içün imkân yoq eken.

Protokollarnıñ 85,12% işlenilgeni neticesinde halq deputatı Petro Poroşenkoğa saylayıcılarnıñ 54,04%, «Batkivşçina» firqasınıñ lideri Yuliya Tımoşenkoğa – 13,12% qol tutqanını añlamaq mümkün.
XS
SM
MD
LG