Link açıqlığı

Avropa birligi prezident saylavlarından soñ Ukrainağa yardım etmege azır


Ukrainanıñ yañı prezidenti ile sıqı işbirlikte bulunmağa azır olğanını Avropa Şurasınıñ reisi Herman Van Rompuy ve Avropa komissiya başı Jose Manuel Barroso bildirdi, dep haber ete İnterfaks-Ukraina.

«Ukrainada prezident saylavları saylayıcılarnıñ faalligi ve memleketniñ eki şarqiy regionında olğan telükeli vaziyetke baqmadan, akimiyet tarfından saylavlarnı halqara qaidelerge köre keçirmesinde olğan qattı mevamı ile belgilengeni aqqında BDİPÇ/OBSE ilk malümatını köz ögümizge alamız», – denile Avropa Şurasınıñ yolbaşçılarınıñ beyanatında.

Olarnıñ fikirlerine köre, işbu saylavlarnıñ muvafaqiyetli keçirilmesi «kerginlikniñ yoq etüvine ve ukrainliler içün havfsızlıqnıñ qaytarılmasına ciddiy bir adımdır».

«Biz taraflarnıñ Jeneva añlaşmasına riyet etkenine ümüt besleymiz ve Rusiye Federatsiyasınıñ ukrain halqınıñ iradesine ürmet etkenine ve yañı ukrain prezidenti ile işbirlikke başlamasına azırlığını bildirgen sözlerini alğışlaymız»,– dep ayttı Barroso ve Rompuy.

Bundan da ğayrı, OBSE eyyetiniñ nezaretçileri Ukrainada prezident saylavları halqara qaidelerine köre keçirilgenini bildirdiler.

«Bu saylavlar ukrain halqınıñ demokratik yönelişini tasdiqladı», – dep bildirdi Kiyevde matbuat konferentsiya devamında Ukraina prezidenti saylavlarınıñ nezareti boyunca OBSE mahsus yolbaşçısı Joao Soares.
XS
SM
MD
LG