Link açıqlığı

OBSE: Bu saylavlar ukrain halqınıñ demokratik yönelişini tasdiqladı


OBSE eyyetiniñ nezaretçileri Ukrainada prezident saylavları halqara qaidelerine köre keçirilgenini bildirdiler, dep haber ete İnterfaks-Ukraina.

«Bu saylavlar ukrain halqınıñ demokratik yönelişini tasdiqladı», – dep bildirdi Kiyevde matbuat konferentsiya devamında Ukraina prezidenti saylavlarınıñ nezareti boyunca OBSE mahsus yolbaşçısı Joao Soares.

Nezaretçiler neticelerni azırlap, saylayıcılarnıñ faalligini qayd ettiler.

Esas problemler sırasına Donetsk ve Lugansk vilâyetlerinde kampaniya ve saylav ile olğan meseleler ve nevbetlerniñ peyda olmasına yol bergen tehnikiy meselelerni kirseteler.

15.45-ke olğan malümatqa köre, MSK elektron protokollarnıñ 80,1% boyunca malümatnı aşkâr etti.

Bunı MSK saytı bildire.

Böyleliknen, Petro Poroşenkoğa – 54%, Yuliya Tımoşenko – 13,16%, Oleg Lâşko – 8,51%, Anatoliy Gritsenko – 5,4%, Sergiy Tigipkoğa – 5,21% qol tuttı.
XS
SM
MD
LG