Link açıqlığı

Saatnıñ esas haberi

Poroşenko «5 kanal»dan ğayrı bütün biznesini satacaq


Prezident saylavlarında ğalip çıqqan Petro Poroşenko «5 kanal»nı satmaycağını ayttı, dep haber ete Radio Svoboda.

«5 kanal» satılmaycaq. Ve serbest matbuat vastalarınıñ inqilâp vaqtında oynağan roli ğayet müimdir», – dep añlattı o öz mevamını.

O hatırlattı ki, 2003 senesi kanalnıñ tarir siyasetiniñ esasları imzalanğan edi. Olarğa köre, kanal saibi işbu siyasetke qarışmamalı. «5 kanal» bazıda men, başqalarğa köre, daa da ziyade tenqit ete», – dedi prezident namzeti.

Porşenko şunı da qayd etti ki, al-azırda onıñ esas aktivi olğan Roshen şekerleme şirketiniñ satuvınıñ azırlanması başlandı.

Forbes Poroşenkonıñ variyetini 1,6 milliard dollar miqdarında belgiley. Onıñ özü ise «insan akimiyetke yañı vazifege kelgende, halqqa hızmet etmek içün biznesten vazgeçmek kerek» olğanını tüşüne.

Roshenden ğayrı, Poroşenkoğa «Agroprodinvest» ve «Podolye» şirketleri de mensüpler.
Hatırlatamız, MSK malümatına köre, Petro Poroşenkoğa 53,75% saylayıcı qol tuttı, Yuliya Timoşenko – 13,11% , Оleg Lâşko – 8,48%, Anatoliy Grıtsenko – 5,42 %, Sergiy Tigipko – 5,29 %, Mıhaylo Dobkin – 3,36 %, Vadım Rabinoviçke – 2,32 %.
XS
SM
MD
LG