Link açıqlığı

Saatnıñ esas haberi

Siyasetşınas qırımtatarlarğa mayıs 18 künü Aqmescit merkezinde artıq toplanmamağa tevsiye etti


Aqmescitniñ merkezinde qırımtatar halqınıñ sürgünligi 70 yıllığı munasebeti ile matem mitingni işbu tedbirde siyasiy maqsat olğanı sebebinden keçirmege yasaq ettiler.

Bunı Qırım ekspert klubınıñ idare reisi Aleksandr Formançuk bildirdi, haber ete YE-Krım neşiri.

«Men, misal içün, o (Aksönov), doğru qarar alğanını tüşünem, Lenin meydanına mayıs 18 künü artıq qaytmamaq kerek, çünki mitingler matem olmalı, narazılı ya da siyasiy olmamalıdır», – dedi Formançuk.Ekspert klubınıñ reisi Qırımda evel olıp keçken matem mitinglerni de alğışlamadı.

«Lenin meydanına siyasiy şiar ve programmalar ile kelip, keçken sene, hatırlaysıñız, Mogilövnı nasıl etip çayqadılar: qırımtatarlarnıñ genotsidı, Mogilöv satqın, şiarlar ile keldiler. Mına bu sebepler ile mitingler keçe edi. Zayıf Ukraina şaraitlerinde bunıñ olması mümkün edi, küçlü Rusiyede ile böyle areketler ola bilmez», – dedi siyasetşınas.

Hatırlatamız, mayıs 16 künü qırımtatar milliy Meclis reisi Refat Çubarov Qırım «baş naziri» Sergey Aksönovnıñ Qırım toprağında iyün 6-na qadar kütleviy numayışlarnıñ keçirilmesini yasaq etken qararını teñkit etti. Çubarov qırımtatarlar 23 devamında mayıs 18 künü munasebeti ile matem tebdirlerniñ keçirilmesinde iç bir problemlep ile ratskelmegenini qayd etti.

«Qırımtatarlar içün mayıs 18 künü – şuurınıñ ayırılmaz parçasıdır. Biz 1944 senesi sürgünlik vaqtında coyğan insanlarımız içün olğan accılıq ile yaşaymız. 23 yıl devamında iç bir suniy problemler, qorquzuv yoq edi. Bu sene Meclis ve Qırım «akimiyeti» tedbirlerge vaqtında azırlıq körmege başladılar. Biz tedbirlerni tüşündik, bir qısmı endi olıp keçti, diger qısmı daa ötkerilecek edi», – dedi o.
XS
SM
MD
LG