Link açıqlığı

Saatnıñ esas haberi

İşğal etilgen Qırımdan daa 9 ukrain banknı «çıqardılar»


Rusiye merkeziy bankı Qırım ve Aqyarda daa 9 ukrain banknıñ, şu cümleden «Oşçadbank» devlet bankınıñ faaliyetini toqtattı.

Bu aqta Rusiye Bankınıñ matbuat-hızmetiniñ beyanatında aytıla.

Böyleliknen, «MARFİN Bank», «UkrSibbank», «Delta Bank», «Gorodskoy kömmerçeskiy bank», «FORUM» bankı, «AVTOKRAZBANK», «Platinum Bank» ve «Gosudarstvennıy oşçadnıy bank Ukrainı», «Ukrsotsbank» faaliyeti yasaq etile.

İşbu qarar bank bölükleriniñ işi toqtatılması sebebinden zarar körgen müşterilerniñ menfaatlarını qorumaq içün alınğandır, dep aytıla Tsetrobank beyanatında.

Ukraina milliy bankı mayıs 6 künü öz emri ile Qırımda işğalniñ bitmesine qadar banklarnıñ faaliyetini yasaq etti. UMB bergen malümatına köre, işğal vazietinde banklarnıñ ileri çalışuvı Ukraina qanunlarına zıt kelecektir.

Mayıs 20 kününe «Fond zaşçitı vkladçikov» işğal etilgen Qırımda çalışqan ukrain banklarnıñ müşterilerinden 11,4 biñ arizanı qabul etti ve 600 mln rublede ziya para töledi.
XS
SM
MD
LG