Link açıqlığı

Adliyeci Aleksandr Lesovoy Hayser Cemilev Rusiye grajdanlığını qabul etkeni aqqında malümatnı red ete.

Yaqında qırımtatar halqınıñ yetekçisi, Ukraina halq deputatı Mstafa Cemilevniñ oğlu Rusiye Federatsiyası vatandaşı olğanı aqqında malümatnı Facebook qullanıcısı Yuriy Fetiyev «Qırım Cumhuriyeti» boyunca Rusiye UFMS malümatına esaslanıp, bilidirdi.

Öz sözlerini isbaatlamaq içün qullanıcı Camilov (Cemilev) Hayser Mustafa oğlu adına vesiqalarnıñ fotolarını aşkâr etti.

«Camilov adliyeci Aleksandr Lisovoy tevsiyesi ile yapılğan cinayeti içün cezasını çekmemek maqsadında Rusiye vatandaşlığını qabul etti. Çünki 2014 senesi aprel 14 künü Rusiye Baş prokuraturası Qırım mabüslerine saylavnı bermege qarar alğan edi – Rusiye vatandaşlıqnı qabul etip, Qırımda qalmağa, ya da Ukrainağa ketip, anda cezanı körmege. Bunıñ ile Rusiye pasportını elde etken vatandaşlarğa nisbeten 2013 senesi dekabr ayında Rusiye Anayasasınıñ 20 yıllığı munasebeti ile kirsetilgen amnistiya qullana bilecek edi», – yaza Yuriy Fetiyev.

Aleksandr Lesovoy Qırım.Aqiqatqa bergen izaatında Hayser Cemilev Kiyevde qayd etilgeni sebebinden Rusiye vatandaşlığını red etmek içün bütün kerek olğan vesiqalarnı bergenini qayd etti. Vesiqalar em Aqmescitte, em de Moskvada taqdim etildi.

«Bundan da ğayrı, taqiqat izolâtorı yolbaşçısınıñ resmiy cevabında qayd etilgeni kibi, Hayser Cemilevge Rusiye vatandaşlığını red etmek içün vesiqalarnı taqdim etmege kerek olmağanı aqqında tarif etile, çünki o Kiyevde qayd etilgen»,– qayd ete advokat.

Lesovoy qayd etti ki, işbu malümat onı ayrette qaldırdı.

«Şuña diqqatıñıznı celp etmek isteyim ki, nasıl etip Hayser Cemilevniñ şahsiy vesiqaları ve Rusiye UFMS vesiqaları işbu şahısnıñ ellerine tüşti, em de bundan ne men, ne Hayser Cemilevniñ haberi yoq edi», – dedi advokat.

Hayser 2013 senesi mayıs 27 künü Bağçasaray evindeki azbarında yaqalanğan edi. Onıñ atışı neticesinden yerli sakin, 43 yaşında olğan Fevzi Edemov elâk oldı. Mustafa Cemilevniñ sözlerine köre, silânı oğlı onıñ evinden alğan eken.

Kiyevde etilgen ruhiy teşkerüv Hayserniñ sağlam olğanını kösterdi. Prokuratura onı yaramazlıq sebeplerden yapılğan öldürüvde qabaatlay. Maddeniñ cezası 10-15 yıllıq ya da ömürniñ soñuna qadar apis cezasıdır.

Yarımadanıñ işğalinden soñ Hayser Cemilevniñ işini Qırım «prokuraturasına» «hatalarnı tüzetmek içün» yolladılar. Bunıñnen beraber mayıs 15 künü Rusiye uquq qorçalayıcıları Hayser Cemilevniñ işi boyunca taqiqatlarğa inanmağanını aytıp, halq deputatı Mustafa Cemilevniñ evinde tintüvni keçirdiler.


«Джамилов принял гражданство России по совету своего адвоката Александра Лесового, чтобы избежать уголовной ответственности за совершенное преступление, так как 14апреля 2014 года российской Генеральной прокуратурой было распространено сообщение о решении предоставить крымским заключенным выбор — получить российское гражданство и остаться в Крыму, либо отправиться отбывать наказание на Украину. При этом к лицам, получивши российские паспорта, может быть применена амнистия, объявленная в России в декабре 2013 года по случаю 20-летия Конституции России», – пишет Юрий Фетиев.
XS
SM
MD
LG