Link açıqlığı

Saatnıñ esas haberi

Cemilev:Rusiye terkibinde turistik Qırımnıñ masrafı qarşılanmaz


Rusiye Federatsiyası terkibinde Qırımnıñ subyekt olaraq turistik saası ziyanlı olacaq, dep ayttı Radіo Svoboda efirinde qırımtatar halqınıñ yetekçisi, Ukraina halq deputatı Mustafa Cemilev.

«Menimce, olar Qırımğa, sovet zamanında olğanı kibi, yollamalar boyunca kelmege niyetindeler. Yani Qırım marsaflarını qarşılap olamaz. Nasıldır bir imtiyazlı yollamalar, sovet akimiyeti devrinde olğanı kibi, olacaqtır», – dedi o.

«Ukraina akimiyeti yanında Qırım devlet bücetinden yardım köre edi, faqat, eger de turizm saasındaki kelir «knâzçik»lerniñ ceblerine ketmese edi, belki başqace olur edi. Amma şimdi atta öyle de olmaycaq», – dedi Cemilev.

«Qırımğa yol yalıñız Moskvadan olsa, anda nasıl barmaq mümkün? Demek, tek Rusiyeli turistlerge ümüt eteler»,– dedi qırımtatarlarnıñ yetekçisi.

Rusiye akimiyeti aytqan Qırım inkişafı boyunca leyhalar aqqında sualge, Mustafa Cemilev dedi: «Leyhalar bar. Bağçasaray rayonını, misal içün, Tatarstanğa, Qarasuvbazar – Başqurtistanğa bağlaylar. İşbu leyhalarğa maliyeviy destek olacaqtır».
XS
SM
MD
LG