Link açıqlığı

Lugansk vilâyetinde ukrain arbiyleri ve separatistler arasında silâlı çatışma yüz berdi


Lugansk vilâyetiniñ Novoaydar qasabasında ukrain içki işler hadimleri ve silâlı separatistler arasında çatışma olıp keçti.

Bunı Ukrainskaya pravda Ukraina saylayıcılar Komitetiniñ yolbaşçısı Aleksandr Çernenkoğa esaslanıp bildire.

«Novoaydar rayonında 4 saylav bölügini zapt ettiler. Novoaydarnıñ özünde arbiyler ve separatistler arasında deşetli bir uruş keçeyata», – dep yazdı Çernenko Twitterde.

Facebook qullanıcısı Sergey İvanov bildirdi ki, «saat 16.00 terroristlerniñ eki maşinası Novoaydarğa kelip çıqtı, saylav bölüklerine ücüm etip, bülletenlerni qırsızladı ve saqlandılar».

«Novoaydarda bulunğan arbiyler olarnı tutacaq oldılar», – dep yazdı o ve şunı ayttı ki, «Lugansk halq cumhuriyetiniñ» tarafdarları ateş açtılar ve bunıñ neticesinde yerli sakinler zarar kördi.

«Bir elâk olğan adam aqqında malümat bar. Bayağı adam yaralandı. Buña baqmadan, askerlerimiz 7-8 qatilni yaqalap, silânı tutıp aldılar. Taqiqat alıp barıla», – ilâve etti o.
XS
SM
MD
LG