Link açıqlığı

Saatnıñ esas haberi

Ukrainada mayıs 25 künü keçirilecek saylavlar arfesinde «sükünet künü»


Bugün Ukrainada bazar künü keçirilecek saylavlar arfesinde «sükünet künü» keçe. Nasıldır bir namzet içün bir de bir teşviqat yasaqtır.

Devlet başı vazifesine 21 namzet kösterildi. Faqat olardan 4, şu cümleden kommunistlerniñ lideri Petro Sımonenko küreşten vazgeçti, şunıñ içün saylayıcılar 17 namzetten saylamaq kerekler.

Esas küreş iş adamı Petro Poroşenko ve «Batkivşçina» firqasınıñ lideri Yuliya Timoşekno arasında keçmekte. Olarnıñ artında Rusiye tarafdarı olıp sayılğan Sergiy Tigipko tura.

Prezident saylavları separatist ve akimiyet küçleri arasında çartışmalar devam etken Donetsk ve Lugansk vilâyetlerinde saqlanıp qalğan kerginlik şaraitlerinde keçecek.
OBSE halqara nezaretçileri yaqında yarınki rey berüvde saylavlar aqqında qanunğa riayet etüvini nezaret etmek içün Kiyevge keldiler.
XS
SM
MD
LG