Link açıqlığı

Ukraina havfsızlıq hızmeti: Dnepropetrovsk vilâyetinde köpürni patlatmağa ve arbiylerni zeerlemege istegen diversantlarnı tuttılar


Ukraina havfsızılq hızmeti Dnepropetrovsk vilâyetinde diversiya ve terraktlarnı azırlağan Rusiye tarafdarı olğan radikal teşkilâtnı zararsız alğa ketirdiler, dep bildirdiler cuma künü Ukraina havfsızılq hızmetiniñ vilâyet idaresinde.

«Ukraina havfsızlıq hızmeti «Slavânskoye bratstvo Ukrainı» qayd etilmegen teşkilâtınıñ 5 aktivistini yaqaladı. Olar regionda vaziyetni kerginleştirmek maqsadı ile ordularnıñ keçüvine hızmet etken Volçya özeninden keçken köpürni patlatmağa planlaştıra edi»,– denile beyanatta.

Bundan da ğayrı, Ukraina havfsızılq hızmetiniñ bergen malümatına köre, Donetsk vilâyeti tarafından blokpostlarda turğan arbiy adamlarnı zeerlep, silâlı boyevikler içün «ayat»nıñ açılması azırlana edi.

Tintüvler vaqıtta yaqalanğanlardan patlav aletleri tutıp alınğan edi. Silâ, separatist edebiyatı, «Donetsk halq cumhuriyetiniñ» timsalleri, kompyuter tehnikası ve qanunsız faaliyetiniñ isbaatı olğan malümatlar tapıldı, dep bildire Ukraina havfsızılq hızmeti.
Bundan da ğayrı cuma künü Dnepropetrovsk vilâyeti Ukraina havfsızılq hızmetiniñ idaresinde Ukraina havfsızılq hızmetiniñ taqiqatçıları Aqrusiye vatandaşına nisbeten cinaiy işni mahkemege bergenleri bildirile. Soñkisi Ukrainağa qanunsız yolları ile yasaq olunğan casus aletlerni kirsetip, özüni jurnalist olaraq tanıttıra edi.

Taqiqat neticesinde qaabtlayıcı akt Dnepropetrovsknıñ Babuşkinskiy rayon mahkemesine yollanılğandır.
XS
SM
MD
LG