Link açıqlığı

İşğal etilgen Aqyarda ukrain tilinde munasebetni azlaştıracaqlar


Aqyar umumtasil mekteplerinde rus tiliniñ ögretüvini arttıracaq, ukrain tiliniñ – azlaştıracaqlar.

Bunı Aqyar şeer memuriyetiniñ tasil ve ilim idaresiniñ yolbaşçısı Viktor Оganesân bildirdi.

Onıñ sözlerine köre, işbu qararnı mektep müdirleri ve talebelerniñ ana-babaları ile keçirilgen subetten soñ qabul ettiler.

«Bizde olğan şeylerniñ saqlap qalmasınıñ imkâniyetini tınç sürette qıdırmaq kerek olğanı ile er kes razı oldı», – dedi memur. O şunı da qayd etti ki, Aqyar mekteplerinde rus tiliniñ ögretüvi tahminen 50% artacaq eken.

«Ukraina toprağında esas fen olğan ukrain tiliniñ ögretüvi ise eki kere azlaşacaq. Ukrain tili aqqında aytacaq olsaq, şübesiz ki, müsbet kapitaldır. Ondan vazgeçmeyip, balalarımızğa ögretüvi qolay kelgen daa bir tilni ögrenmek kerek», – dedi tasil ve ilim idaresiniñ yolbaşçısı, dep haber ete Krıminform.

Hatırlatamız, bugün Lesâ Ukrainka adına Aqyarnıñ 5№ gimnaziyasınıñ talеbeleri soñki çañ bayramına milliy urbağa kiyinip kelgenler.
XS
SM
MD
LG