Link açıqlığı

«Batkivşçina» firqasınıñ yetekçisi Yuliya Timoşenko iyün 15 künü Ukrainanıñ NATOğa kirüvi aqqında referendumnıñ keçirilmesi zaruriyeti aqqında bildirdi, dep haber ete Radio Svoboda.

«Halqnıñ iradesi olmağanda, iç bir siyasetçi böyle qararlarnı qabul etemez. Şunıñ içün iyün 15 künü prezident saylavlarınıñ ekinci turı ile bir vaqıtta Ukrainanıñ NATOğa kirüvi boyunca tarihiy referendumnı keçirmege teklif etem. Emiyetine köre, Ukraina mutsaqilligi aqqında ekinci referendum kibi olacaqtır», – dep bildire Timoşenkonıñ sözlerini onıñ saytı.

Onıñ sözlerine köre, Ukraina kollektiv havfsızlıq ve mudaafa teşkilâtlarğa kirmegence, Rusiye daima onıñ mustaqilligi içün telükelerni meydanğa ketirecek.

Timoşenkonıñ aytqanı kibi, NATOğa kirüvi aqqında qarar «mürekkeptir». Bunıñ ile beraber o şunı da qayd ete ki, «bizler içün NATO – havfsızlıq ve barışıqtır. Onıñ memleket azaları istilâdan saqlıdır».

«Tsentr Razumkova» taqiqatlarına köre, ukrainliler arasında NATO destegi Rusiye işğalinden soñ bayağı artqandır: NATOğa qarşı 42%, oña kirüvine ise 37% qol tuta.
2012 senesi dekabr ayında «Reyting» içtimaiy taqımnıñ taqiqatlarına binayen, Ukrainanıñ NATOğa kirüvine yalıñız 19% qol tuta edi.
XS
SM
MD
LG