Link açıqlığı

KİU: Saylayıcılarnıñ 5% prezident saylavlarında rey berip olamaz


Ukraina saylayıcıları Komitetiniñ baş büdiri Oleksandr Çernenko Ukraina şarqında bazar künü saylayıcılarnıñ 5 % rey berip olamaycağını bildirdi, dep haber ete BBC.

«Ukrainada mayıs 25 künü kerçek ve adaletli prezident saylavlarını keçirmek içün Donbasstaki kergin vaziyeti ilk sebepçisidir», – dedi matbuat konferentsiyası devamınla Çernenko.

KİU bildirgenine köre, «saylavlar 34 noqtadan 21-de keçirilmey bile, Donetskte 22-den 14-de ve Lugansk vilâyetinde 12-den 9-da».

Ukraina baş naziri Arseniy Yatsenük Ukrainada saylavlarnıñ keçirilmemesi Rusiye akimiyetiniñ merağında olğanını qayd ete edi.

Qayd eteyik, bugün Vladimir Putin Rusiye Ukraina prezident saylavlarına ürmet ile davranğanını bildirdi, dep haber ete Radio Svoboda.

«Ukrainada insanlar memleketniñ bu buhrandan çıqmasını istegenini köre ve añlaymız. Biz de Ukrainada nasıldır bir tınçlıqnıñ olmasını isteymiz. Ukraina halqınıñ saylavına ürmet ile davranırmız», – dedi Putin Sankt-Peterburgda keçken iqtisadiy forumı devamında.

Onıñ sözlerine köre, Moskva Ukraina prezidenti saylavlarından soñ teşkil olunacaq akimiyet organları ile çalışmağa azır eken.
XS
SM
MD
LG