Link açıqlığı

KHV-ları: Rusiyede internette separatizmge davet etkenlerini apıske almağa teklif eteler


Federatsıyalar Şurasınıñ azası Andrey Klişas «halq ögünde territoriya bütünligi bozmaq içün areketleri» içün cezanı sertleştirmege teklif etti. Endiden başlap, separatizm içün sade internet qullanıcılarnı 5 yılğa apıske ala bileler. Bunı «Vedomosti» yaza.

Klişasnıñ qanun leyhasında ceza qanunnamesinde 280.1 maddesini (halq ögünde Rusiye Federatsıyasınıñ territoriya bütünligini bozmaq içün yapılğan areketler) yañıdan baqılmaq kerek.

Qanun leyhasınıñ añlatma mektübinde deñişmeler 280.1 maddesi ve daa da umum olğan 280-ci maddesi (ekstrimist areketlerini yapmaq içün halqnı davet etilmesi) aralarında bir-birine uymayuvlarını çezmek kerek. Bügün olğan şekilde bu eki madde «bir birilerine ceza qanunmasindeki normalarına raqip olalar ve uquqiy bellisiz vaziyet doğuralar».

Yañı 280.1 maddesi ceza qanunamesinde keçken senesiniñ soñunda dumadaki kommunistler teşebbüsi ile peyda oldı. Bu maddege köre, cezası 300 biñ ruble ştraftan başlap, 3 yılğa qadar apıske alınmasına qadar olacaq. Aynı areketlerni Kutleviy haberler vastaları ile yapılsa ceza olaraq 5 yılğa apıshanege alınacaq. Klişas ise endi olğan cezalarnı sertleştirmege istey. Onıñ teklifine köre, 280.1 maddesiniñ birinci qısımına köre cezalav müddetini dört yılğa qadar arttırmaq kerek ve yañı cezalarnı qoşmaq istey: 4-ten 6 yılğa qadar arest, üç yıl devamında mecburiy işler yapılmasını ve aynı müddetke belli bir işnen oğraşmağa yasaqnı teklif ete.

Ondan da ğayrı, Klişes bu maddeniñ 2-ci qısımını deñiştirmesini istey: şimdi anda «KHVrı ve informatsıon ve telekommunikatsıya ağları» dep aytılsa, deñişken soñ «KHV ya da elektorn yada telekommunikatsıya ağları» aqqında aytılacaq.

Eger bu deñişmeler qabul olunsa, bir de bir içtimaiy ağda ya da forumda bu maddege uymağan bir şeyler yazğan sade internet qullancınını cezalamağa imkân açılır.
XS
SM
MD
LG