Aqmescitte «PrivatBanknıñ» eski bölügini az qaldı yaqacaq ediler

Belgisiz şahıslar Aqmescitte, merkeziy avtovokzal yanında, Kiyevskaya, 6/1 adresi boyunca yerleşken «PrivatBank» bölüginiñ eski ofisini az qaldı yaqacaqediler, dep haber ete 0652.in.ua.

Neşirniñ malümatına köre, «PrivatBank» tahtası» yerine «Rusiye milliy ticaret bankınıñ» tahtasını asıp qoydılar. Lâkin bölük çalışmay, onı OAO «RNKB» resmiy saytında derc etilgen Aqmescit bölükleri cedvelinde bile qayd etmediler.


Qırım içki nazirliginde bu vaqianı izaatlamaylar.

Bundan evel «PrivatBank» bölüklerini Harkov ve Odessada yaqqan ediler.