Link açıqlığı

«Qırım halq imayesiniñ» vekilleri Qırım sakinleriniñ imzalarınen yaraştırılğan avtobusnen Moskvanıñ Qızıl meydanına barıp, Rusiye prezidenti Vladimir Putinniñ imzasını alacaq olalar, dep bildirdi yarımada işğali vaqtında «samooborona» yolbaşçısı olğan Qırım «baş nazir muavini» Mihail Şeremet.

«Böyle añlaşmalar bar edi, çünki bizim vekillerimiz Soçige barıp, Vladimir Vladimiroviç (Putin) ile körüşken ediler. Bu da olması mümkün», – dep tekrarlay Şeremetniñ aytqanlarını Qırım «akimiyetine» yaqın olğan «Krıminform» saytı.

O, şunı qayd etti ki, Moskvağa avtobusnen barıp kelmek ğayesi apasızdan peyda oldı. Olarnı Moskva zenaatdaşları musafirlikke davet etken ekenler.

«Qırım halq imayesi» Rusiyege Keriç boğazından baracaq. Yolda türlü regionlarda cemaatçılıqnen körüşüvler olacaq

Rusiyeden qaytqan soñ, avtobus müzey eksponatı olacaq. «Avtobus müzeyde turacaq, bu bizim tarihımız olacaqtır», – dep ayttı Şeremet.

Qırımnıñ öz başına tayin etilgen baş naziri Sergey Aksönov bildirdi ki, «Qırım samooboronası» qanunlaştırılacaq ve bücet müessisesine çevirilecek.
XS
SM
MD
LG