Link açıqlığı

Qırımda hırsızlanğan para sebebinden «Oşçadbank» Rusiye akimiyeti ile mahkemede davalaşacaq


Al-azırda «Oşçadbank» devlet bankı Qırımda maliye müessisesine ketirilgen zararnı tasdiqlamaq içün vesiqalarnı toplap, Ukrainanıñ Rusiye Federatsiyasına qarşı mahkeme davasını açtırmağa azırlana, dep bildire bank idare yolbaşçısı Andrey Pışnıy.

Onıñ aytqanına köre, bank idaresi Qırım Muhtar Cumhuriyetindeki vaziyetni bir qaç kere muzakere etip, bölüklerni tez-tez qapatmaq qarar berdi.

Bank devlet mülkiyetine zarar ketirgen şahıslarnı mahkemede ve cinaiy ceetten taqip etmege niyetinde.

Pışnıy qayd etkenine köre, Qırım mustaqil Ukrainanıñ bir qısmı olıp qala, ve işğal yekünlengen soñ bank öz işini Qırımda ğayrıdan tikleycek.

Cumaaqşamı künü, mayıs 22-de, «Oşçadbank» öz başına ilân etilgen Qırım akimiyeti 32,45 mln grn devlet maliye müessisesiniñ anbarından çıqarıp, belli olmağan bir yerge alıp ketti. Bu paranı nefaqacı, saqat, veteranlar ve balalı qorantalarğa içtimaiy tölev olaraq berecek ediler.
XS
SM
MD
LG