Link açıqlığı

Saatnıñ esas haberi

Bergi hızmeti «Vesti» gazetasınıñ ofisinde 1,5 million grivna taptı


Bergi hızmeti «Vesti» gazetasınıñ neşircisi İgorâ Gujva seyfinde 1,5 million grn taptı.

«Areketlerimiz qanuniydir. Şimdi tintüv keçirile. Olğan malümatqa köre, Gujvannı kabinetinde 1,5 million grn tapıldı. Onıñ şahsiy esabında 313 biñ, «Vesti Mas-media» esaplarında 97 biñ grivna tevqif etildi», – dedi Ukraina kelir ve bergi naziri muavini Vladimir Homenko Kiyevde olıp keçken brifing devamında, dep haber ete İnterfaks-Ukraina.

Radio Svoboda efirinde milliy havfsızlıq ve mudaafa şurasınıñ kâtibi muavini Viktoriya Sümar, «Vesti» gazetasınıñ bank esapları maliye suistimalı sebebinden qapatılğanını bildirdi.
Bugün uquq qoruyıcı organlarnıñ tahminen 15 hadimi «Vesti» gazetasınıñ muarririyetini blok ettiler.

Neşirniñ baş muarriri İgor Gujva Radio Svobodağa bergen izaatında böyle areketlerni matbuat vastalarğa etilgen «siyasiy ücüm» olaraq adladı ve maliye suistimalda olğan qabaatını red etti.
XS
SM
MD
LG