Rusiye Büyük Britaniyadan şahzade Çarlznıñ sözleri sebebinden resmiy izalarnı bekley, dep haber ete Radio Svoboda.
Yaqında, Britaniya matbuat vastalarınıñ bergen malümatına köre, Çarlz Rusiye prezidenti Vladimir Putinniñ Ukrainada etken areketlerini Adolf Gitlerniñ areketleri ile teñeştirdi.
Çarlz bunı Holokost vaqtında qorantasını coyğan 79 yaşında olğan Mariyenn Fergüson ile şahsiy subeti devamında aytıp keçti.
Qadınnıñ sözlerine köre, Britaniya şahzadesi «Putin Gitler etken areketlerni yapqanı» aqqında ayttı.
«Eger de böyle sözler kerçekten de yanğırağan olsa, olar Britaniya monarhına kelişmey», – dep bildirdi cumaaqşamı künü brifing devamında Rusiye çetel işler nazirliginiñ resmiy temsilcisi Aleksandr Lukaşeviç.
Klarens-haus, Britaniya qırallığı qorantasınıñ ikametgâhı şahsiy subetni izaatlamaycağını bildirdi. Britaniya baş naziri Devid Kemeron da çarşenbe künü şahzadeniñ sözlerini izaatlamağa razı olmadı.
Şahzade Putin ile iyün 6 künü, 1944 senesi iyün 6-da ittifaqdaşlarnıñ Normandiyağa ingeniniñ 70 yıllığı munasebeti ile Frenkistanda körüşmek kerektir.
Yaqında, Britaniya matbuat vastalarınıñ bergen malümatına köre, Çarlz Rusiye prezidenti Vladimir Putinniñ Ukrainada etken areketlerini Adolf Gitlerniñ areketleri ile teñeştirdi.
Çarlz bunı Holokost vaqtında qorantasını coyğan 79 yaşında olğan Mariyenn Fergüson ile şahsiy subeti devamında aytıp keçti.
Qadınnıñ sözlerine köre, Britaniya şahzadesi «Putin Gitler etken areketlerni yapqanı» aqqında ayttı.
«Eger de böyle sözler kerçekten de yanğırağan olsa, olar Britaniya monarhına kelişmey», – dep bildirdi cumaaqşamı künü brifing devamında Rusiye çetel işler nazirliginiñ resmiy temsilcisi Aleksandr Lukaşeviç.
Klarens-haus, Britaniya qırallığı qorantasınıñ ikametgâhı şahsiy subetni izaatlamaycağını bildirdi. Britaniya baş naziri Devid Kemeron da çarşenbe künü şahzadeniñ sözlerini izaatlamağa razı olmadı.
Şahzade Putin ile iyün 6 künü, 1944 senesi iyün 6-da ittifaqdaşlarnıñ Normandiyağa ingeniniñ 70 yıllığı munasebeti ile Frenkistanda körüşmek kerektir.
