Link açıqlığı

Donetskniñ Volnovaha şeerinde cumaaqşamı künü 13 arbiy hızmetçisi elâk oldı/
Bunı Ukraian yuqarı şurasınıñ reisi, Ukraina prezidenti vazifelerini eda etken Oleksandr Turçinov bildirdi.

«Uruşlar devamında bizim arbiylerimiz şeerni qurtara edi, ögge ketmege imkân bermediler, amma, yazıq ki, ateş astında Ukraina içün 13 insan can berdi», – dep bildire Turçinovnıñ sözlerini İnterfaks-Ukraina.

Spikerniñ sözlerine köre, antiterroristik ameliyatınıñ dairesi Donetsk ve Lugansk vilâyetiniñ merkezi etrafında buluna, mında separatistlerniñ bazası yerleşe. «Olar Donetskten 48 km etrafında uzaqlıqta olğan blokpostqa ücüm ettiler», – dep añlattı Turçinov.

Evelleri Mudaafa Nazirliginde qayd ettiler ki,boyevikler Donetsk vilâyetiniñ Volnovaha şeeri yanında Ukraina Silâlı quvetleriniñ arbiy qısmınıñ arbiy hızmetçileri hızmet etken blokpostqa ateş açqan ediler.
XS
SM
MD
LG