Link açıqlığı

Saatnıñ esas haberi

Menim yat şeerim


Оlga Vinokur

Aqmescit – Men Aqmescitte doğıp, östim. Mında oqudım. Bu şeer dünya eñ sevimli mekânm dep, aytıp olamam. Amma, bu menim şeerim. Bu şeer ile bir çoq eyi ve menfiy şey bağlı. Musafirler kelgende, bazıda bu yerniñ qaysı yerini kösrmege bilmegen şeerim. Püsür içine batqan ve çuqurlar tolu yolları, yanmağan fenerleri, çöp qopqaları olmağanı içün söggen şeerim. Vokzal ve ava limanında şeerniñ er köşesine alıp ketmge azır olğan taksiciler ile qarşılağan şeerim. Bu MENİM şeerim edi, mında men er vaqıt özümni evde kibi duya edim. Keçenlerde ise, o maña yat oldı. İç bir şey deñişmegen kibi körüne: tamam şu şeer, tamam şu insanlar. Amma, er şey deñişti.


Başından er şey qorqunçlı bir tüş kibi köründi – silâlı admlar şeerniñ merkeziy meydanında bulunalar, özlerini ğurur ile «imayeciler» olaraq adlağan, amma temizlik ne olğanını bilmegen saroş qazaqlar ve olarnıñ tarafdarları…Vokzalda yolcularnı qarşılap, olarnıñ çantalarında qarıştırğanları…

Tüş ep bitmey edi. Evlerniñ üstlerinde, yañı devletke sadıq olğanlarnıñ timsali – bayraqlar peyda oldı. Bazıları, digerlerden daa ziyade sadıqlığını numayış etip, eekişer bayraq asıp başladılar – bunıñ episi yürekni bulandıra edi. Endi ise diqqat ayırmaysıñ.


Bayraq asmaq «hastalığı» maşina ve qadın çantalarına yuqtı. Er şey ukrain maydanlarında yapılğanı kibi yapıla, amma, anda er şey milliy olsa, mında ise, işğalcilerniñ timsalleri tiklene. Lâkin, bu menim fikirim, ealiniñ ekseriyeti içün bular «azat eticiler»dir. Kimni neden qurtarğanlarını, faqat bir kimse añlatıp olamay.

Mayıs 9 künü arfesinde, şimdilik da tınç şeer üzerinde vira uçaqlar uça edi. Bilgenler tınçlandıra ediler: Aqyarğa keteler, numayışqa azırlana ekenler. Amma, adden tış, yat duyğular qaplap aldı. 40 yaşına keldim, amma bu kibi şeyni is etmegen edim. Endiden ise, is etem.

Qırımtatarlar sürgünliginiñ 70 yıllığı künü, oqulğan dualarnı başları töpesinde uçqan arbiy vertolötlarnıñ sesleri bastıra edi. Şeerniñ merkezini politsiya ve OMON toldurdı.

Bu MENİM şeerim degil. Men de, eyecan ve artqaç quvanç ile tolu qartanalar ve ecdatlarnıñ cenkâverliginen ğururlanıp, şeritlerge sarmalanğanlarnıñ bayramında özümni yabancı duyam. Olarğa, BTR, arbiy maşina, silâlı adamlar, milliy ukrain kiyimlerni kiygen balalardan da qıymetlidirler. Endi mında kelgen sayın, yazıq ki, bu menim içün YAT bir şeyer olğanını añlayım.

Оlga Vinokur, Aqmescitli

«Bloglar» rubrikasında bildirilgen tüşünceler müelliflerniñ noqtai nazarını bildirip, muarririyetnen aynı olmaması mümkün
XS
SM
MD
LG