Link açıqlığı

İşğal etilgen Qırım toprağına ukrain zavodları süt mahsulatınıñ kirsetüvi başlaycaq. Bunı Qırımnıñ agrar siyaseti ve aşayt «naziri» Nikolay Polüşkin bildirdi, dep haber ete Tsentr jurnalistskih rassledovaniy.

«Nazir»niñ aytqanına köre, Ukrainadan süt mahsulatınıñ kirsetilmesiniñ toqtavı aqqında qarar Qırım istisalcılarnıñ raqip etüvini meydanğa ketirmek maqsadı ile yapılğandır. Faqat, yaqın zamanda, Polüşkin qayd etkeni kibi, Ukraina süt mahsulatınıñ temini ğayrıdan başlaycaq eken.

«Er şey qaytarılır. Rostehnadzornıñ talaplarına riayet etken 85 şirketten ziyadesi kene Qırımğa mahsulatını ketire bilecek. Süt mahsulatı ile vaziyet doğrulacaqtır. Şirketlerimiz ağır alda olğan vaqtı da bar edi», — dedi «nazir».

Mayıs 17 kününden Rosselhoznadzor yarımadağa Ukrain şirketlerinden mahsulatlarnıñ ketirilmеsini yasaq etti.
XS
SM
MD
LG