Link açıqlığı

Saatnıñ esas haberi

Qırımda «Odessanıñ azat oluvı komiteti»niñ peyda oluvı aqqında ilân ettiler


Qırımda «Odessanıñ azat oluvı komiteti» teşkil etile. O Odessa narazılıq areketiniñ aktivistlerini birleştirecek, dep bildirdiler Aqmescitte cumaaqşamı künü Odessa şeer şurasınıñ deputatı Aleksandr Vasilyev, deputat Odessa vilâyet şurasınıñ Aleksey Albu «Оdesskaya Drujina» yolbaşçısı Dmitriy Оdinov.

Bunı Qırım «akimiyeti»ne yaqın olğan «Krıminform» saytı bildire.

«Kiyev akimiyeti nezareti altında olğan territoriyalarda muhalif siyasiy faaliyetiniñ yasağı sebebinden biz, Odessa qarşılığınıñ iştirakçileri, merkezniñ icrette teşkil etmek mecburmız»,– dediler odessalılar.

Vasilyevniñ aytqanına köre, «Odessanıñ azat oluvı Komitetiniñ esas vazifesi – regionnı qanunsız Kiyev ükümetinden boşatmaqtır».

«Maqsadımız – Odessa sakinlerine özüni belgilemek içün imkânnı bermektir», – dedi deputat. Odessa vilâyetinde özüni belgilev imkâniyeti olğandan soñ, «Komitet diger regionlarınıñ öligarh ve neofaşistlerden azat etüvini ile bağlı küreşni devam etecektir».
XS
SM
MD
LG