Link açıqlığı

Ukraina Mudafaa nazirligi: boyevkiler blokpostqa ve tehnika kollonasına ücüm ettiler, ölgenler bar


Donetsk vilâyetiniñ Volnovaha şeeri yanındaki boyevikler Ukraina Silâlı quvetleriniñ arbiy qısmınıñ arbiy hızmetçileri hızmet etken blokpostqa ateş açtılar.

Bunı Ukraina mudaafa nazirligi bildirip, ücüm bu gece olğanını qayd ete.

Malüm olğanı kibi, elâk olğanlar ve zarar körgenleri bar, faqat sayısı belgilene.

Atış vaqtında bir qurşun blokpostta olğan arbiy maşnağa tüşti, bu arbiy komplektniñ patlavına ketirdi.

Daa bir ukrain arbiy hızmetçisi elâk oldı, ekisi zarar kördi.

«Terroristler olarğa lâyıq olğan taktikağa başladı: arbiylerniñ yolunda olan köpürlerden biri grajdan tarikçileri tarafından blok etildi. Olarnıñ artından terroristler ukrain arbiy hızmetçilerine ateş açtılar», – dediler mudaafa nazirliginde.

Ekinci tarafta zarar körgenleri aqqında malümat yoq.

Antiterroristik ameliyatınıñ iştirakçileriniñ Lugansk ve Donetsk vilâyetleri yanında uruşı aqqında Arbiy-siyasiy taqiqatlar merkeziniñ yolbaşçısı Dmıtro Tımçuk da bildire. Onıñ sözlerine köre, Volnovaha şeeri Donetsk vilâyeti yanında 8 ukrain arbiyi elâk oldı, 18 yaralandı.
XS
SM
MD
LG