Link açıqlığı

Harkov vilâyetiniñ 506 sakini regionnı terk etip, Qırımğa köçti, dep ayttı Harkov vilâyet memuriyetiniñ reis muavini Yuriy Georgiyevskiy.

O qayd etti ki, bu insanlar reyestrden çıqarıldı ve yarımadağa daima yaşamaq içün ketkenlerini tasdiqladılar.

Aynı zamanda Harkov vilâyetine Qırım ve Aqyardan tahminen 466 insan keldi.

BMT qaçaqlarnıñ işleri boyunca Agentliginiñ malümatına köre, Ukrainada Qırımnıñ mart ayında keçirilgen «referendum»ndan evel ealiniñ faal köçüvi közetile. Böyle insanlarnıñ sayısı tahminen 10 biñge yetti.

Köçip kelgenlerniñ ekseriyeti – qırımtatarlardır. Ealiniñ üçte biri – balalardır. Ailelerniñ çoqusı merkeziy (45%) ve ğarbiy Ukrainağa (26%) köçe, daa bir qısmı memleketniñ cenübi ve şarqında yerleşti.
XS
SM
MD
LG